Provincial Public Service Commission NWP
වයඹ පළාත් සභා රාජ්‍ය සේවා කොමිෂන් සභාව
வடமேல் மாகாண சபை அரச சேவை ஆணைக்குழு
Vision
Mission
විශේෂ නිවේදනයයි..! (2022.01.13)
රැකියා විරහිත උපාධිධාරීන්/ඩිප්ලෝමාධාරීන් රැකියාගත කිරීම – 2020 යටතේ බඳවාගත් උපාධිධාරීන්/ඩිප්ලෝමාධාරීන් ස්ථීර පදනමින් රාජ්‍ය සේවයට/පළාත් රාජ්‍ය සේවයට පත්කිරීම
උක්ත වැඩසටහන යටතේ බඳවාගනු ලැබ දැනට අභ්‍යාසලාභීන් වශයෙන් පුහුණුව ලබන උපාධිධාරීන් හා ඩිප්ලෝමාධාරීන් අතරින් වයඹ පළාත් සභාව මගින් ස්ථිර පත්වීම් ලබාදීම සඳහා රාජ්‍ය සේවා, පළාත් සභා හා පළාත් පාලන අමාත්‍යාංශය වෙතින් 2021.12.31 දිනැතිව එවා ඇති නාමලේඛනයේ නම් සඳහන් අභ්‍යාසලාභීන් හා මෙයට පෙර පැවති සම්මුඛ පරික්ෂණයට පෙනී සිටීමට නොහැකි වූ පහත ලේඛනයන්හි නම් සඳහන් අභ්‍යාසලාභීන් සඳහා සුදුසුකම් පරීක්ෂා කර බැලීමේ සම්මුඛ පරීක්ෂණය 2022.01.19 දින පැවැත්වීමට නියමිතය.
2022.01.19 දින පහත ලේඛනයන්හි සඳහන් නියමිත වේලාවට වයඹ පළාත් සභා පරිශ්‍රයේ පැවැත්වෙන සම්මුඛ පරීක්ෂණය සඳහා සහභාගී වන මෙන් මෙයින් දැනුම් දෙමි. රැගෙන ආ යුතු ලියවිලි පෙර උපදෙස් පරිදිම වේ.
ඔබ කණ්ඩායමේ සියළුම උපාධාරීන්/ඩිප්ලෝමාධාරීන්, මේ පිළිබඳව දැනුවත් කිරීමට, ඔබ සියළු දෙනාම කාරුණික වන්න.
විශේෂ නිවේදනයයි..! (2022/01/11)
රැකියා විරහිත උපාධිධාරීන්/ඩිප්ලෝමාධාරීන් රැකියාගත කිරීම – 2020 යටතේ බඳවාගත් උපාධිධාරීන්/ඩිප්ලෝමාධාරීන් ස්ථීර පදනමින් රාජ්‍ය සේවයට/පළාත් රාජ්‍ය සේවයට පත්කිරීම
උක්ත වැඩසටහන යටතේ බඳවාගනු ලැබ දැනට අභ්‍යාසලාභීන් වශයෙන් පුහුණුව ලබන උපාධිධාරීන් හා ඩිප්ලෝමාධාරීන් අතරින් වයඹ පළාත් සභාව මගින් ස්ථිර පත්වීම් ලබාදීම සඳහා රාජ්‍ය සේවා, පළාත් සභා හා පළාත් පාලන අමාත්‍යාංශය වෙතින් 2021.12.31 දිනැතිව එවා ඇති නාමලේඛනයේ නම් සඳහන් අභ්‍යාසලාභීන් හා මෙයට පෙර පැවති සම්මුඛ පරික්ෂණයට පෙනී සිටීමට නොහැකි වූ අභ්‍යාසලාභීන් සඳහා සුදුසුකම් පරීක්ෂා කර බැලීමේ සම්මුඛ පරීක්ෂණයක් 2022.01.19 දින පැවැත්වීමට නියමිතය. (2021.12.31 දිනැතිව එවා ඇති නාම ලේඛනය මෙම වෙබ් අඩවියේ පහත දක්වා ඇති දිගුවෙන් පළ කර ඇත.)
මෙම සම්මුඛ පරීක්ෂණ ඉතා කඩිනමින් සිදු කළ යුතු බැවින්, මෙම වෙබ් අඩවිය මගින් ඉතා කෙටි දැනුම් දීමකින්, අදාළ අභාසලාභීන් සම්මුඛ පරීක්ෂණ සඳහා කැඳවනු ලැබේ.
එබැවින් පහත සඳහන් ලේඛනවල මුල් පිටපත් සහ ඡායා පිටපත් වෙන වෙනම සකස් කරගෙන ඡායා පිටපත්වල ”මුල් පිටපතෙහි සත්‍ය පිටපතක් බවට සහතික කරමි.” යනුවෙන් ඔබ විසින් ලියා අත්සන් තබා නියමිත දින සම්මුඛ පරීක්ෂණය සඳහා පැමිණෙන විට ඉදිරිපත් කිරීම සඳහා සූදානම් කරගෙන සිටින ලෙස කාරුණිකව දන්වමි.
- උප්පැන්න සහතිකය
- ජාතික හැඳුනුම්පත
- උපාධි සහතිකය / ඩිප්ලෝමා සහතිකය (උපාධිය වලංගු වන දිනය පැහැදිලිව සඳහන් විය යුතුය)
- උපාධි ප්‍රතිඵලයේ විස්තරාත්මක ලේඛනය (උපාධිය වලංගු වන දිනය පැහැදිලිව සඳහන් විය යුතුය)
- උපාධිධාරී අභ්‍යාසලාභී බඳවා ගැනීමේ ලිපිය
- සේවා ස්ථානයකට අනුයුක්ත කරන ලද ලිපිය
- පුහුණුව සඳහා වැඩභාරගත් ලිපිය
- ග්‍රාම නිලධාරී සහතිකය (අයදුම්කරු හට වයඹ පළාත තුළ වසර 03ක ස්ථීර පදිංචිය නොමැති අවස්ථාවල කලත්‍රයාගේ පදිංචි සහතිකය හා විවාහ සහතිකයද, අයදුම්කරුගේ පදිංචි සහතිකය සමඟ ඉදිරිපත් කළ හැක.)
- වර්තමාන සේවා ස්ථානයෙන් ලබා ගත් සේවා සහතිකය
- නිවාඩු විස්තරය
- සහතිකවල සඳහන් නම්වල වෙනසක් ඇත්නම් ඒ සඳහා දිවුරුම් ප්‍රකාශයක්.
සම්මුඛ පරීක්ෂණ පැවැත්වෙන වේලාවන් හා ස්ථානයන් පිළිබඳ විස්තර වයඹ පළාත් සභා රාජ්‍ය සේවා කොමිෂන් සභා වෙබ් අඩවියේ (මෙහි) පළ කරන බැවින්, ඒ කෙරෙහි නිරන්තර අවධානයෙන් සිටින ලෙසද දන්වමි.
තවද ඔබ කණ්ඩායමේ සියලු දෙනාටම අවශ්‍ය පණිවිඩ ලබා දීම සඳහා සම්බන්ධීකරණය කරගත හැකි නියෝජිතයෙකුගේ දුරකථන අංකයක් 0372223470 දුරකථන අංකයෙන් මා වෙත දැනුම් දෙන්නේ නම් මෙම කටයුතු වඩාත් පහසු වනු ඇත.
ටී.බී. වික්‍රමසිංහ,
ලේකම්, වයඹ පළාත් සභා රාජ්‍ය සේවා කොමිෂන් සභාව
New Notices
විශේෂ නිවේදයයි ! (2022/01/03)
අභ්‍යාසලාභී උපාධිධාරීන්/ ඩිප්ලෝමාධාරීන් පළාත් රාජ්‍ය සේවයේ ස්ථිර තනතුරුවලට පත් කිරීම.
ඒකාබද්ධ සේවා අධ්‍යක්ෂ ජනරාල් විසින් එවා ඇති පහත උපාධිධාරී අභ්‍යාසලාභීන්ගේ/ ඩිප්ලෝමාධාරීන්ගේ නාම ලේඛන අතුරින් පළාත් සභා පාසල් නාම ලේඛනයෙන් ඉවත් කිරීමට එවා ඇති උපාධිධාරීන්/ඩිප්ලෝමාධාරීන් වෙනුවෙන් වයඹ පළාත් සභා රාජ්‍ය සේවා කොමිෂන් සභාවෙන් පත්වීම් ලිපි නිකුත් නොකරන බව කාරුණිකව සලකන්න.
අළුතින් එවා ඇති පහත දැක්වෙන නම් ලැයිස්තු දෙකේ සඳහන් අය අතුරින් මේ වන තෙක් සම්මුඛ පරීක්ෂණ සඳහා කැඳවා නොමැති උපාධිධාරීන්/ඩිප්ලෝමාධාරීන් ඉදිරියේදී සම්මුඛ පරීක්ෂණ සඳහා කැඳවන බවත්, එම දින පිළිබඳව යථා කාලයේදී මෙම වෙබ් අඩවිය තුළ පළකරන බැවින්, දිනපතා මෙම වෙබ් අඩවිය පරිශිලනය කර, එම දැනුම්දීම් අනුව කටයුතු කරන මෙන් අභ්‍යාසලාභීන්/ඩිප්ලෝමාධාරීන් වෙත දන්වමි.
| අළුතින් එවා ඇති ලැයිස්තුව | ඉවත් කිරීමට එවා ඇති ලැයිස්තුව |
| පළාත් සභා පාසල් නාම ලේඛනය |
ටී.බී. වික්‍රමසිංහ
ලේකම්,
වයඹ පළාත් සභා රාජ්‍ය සේවා කොමිෂන් සභාව
නිවේදනයයි. (2021)
2020 වර්ෂයේ බඳවාගත් අභ්‍යාසලාභී උපාධිධාරීන්/ ඩිප්ලෝමාධාරීන් ස්ථිර පදනමින් වයඹ පළාත් රාජ්‍ය සේවයට පත් කිරීමට අදාළ සංශෝධිත නාම ලේඛනය (පළාත් සභා) අනුව අලුතින් ඇතුලත් කර ඇති නම් සඳහන් උපාධිධාරීන්/ ඩිප්ලෝමාධාරීන්
සම්මුඛ පරීක්ෂණ සඳහා කැඳවීම
· වයඹ පළාත් සභා රාජ්‍ය සේවා කොමිෂන් සභාව වෙත රාජ්‍ය පරිපාලන අමාත්‍යාංශය මගින් එවන ලදුව වයඹ ප්‍රධාන ලේකම් විසින් අප වෙත එවා ඇති නාමලේඛනයේ එම අභ්‍යාසලාභී උපාධිධාරීන්ගේ ලිපිනයන් සඳහන්ව නොමැති බැවින්, එක් එක් අය වෙත පෞද්ගලිකව කැඳවීම් ලිපියක් යැවීමේ හැකියාවක් නොමැති අතර, මෙම දැන්වීමේ සඳහන් දිනයන්හීදී නියමිත වේලාවට වයඹ පළාත් සභා පරිශ්‍රයේ පැවැත්වෙන සම්මුඛ පරීක්ෂණය සඳහා සහභාගී වන මෙන් මෙයින් දැනුම් දෙමි.
· රැගෙන ආ යුතු ලියවිලි පෙර උපදෙස් පරිදිම වේ.
· ඔබ කණ්ඩායමේ සියළුම උපාධාරීන්/ඩිප්ලෝමාධාරීන්, මේ පිළිබඳව දැනුවත් කිරීමට, ඔබ සියළු දෙනාම කාරුණික වන්න.
ටී.බී. වික්‍රමසිංහ,
ලේකම්,
වයඹ පළාත් සභා රාජ්‍ය සේවා කොමිෂන් සභාව
(සංශෝධිත නාම ලේඛනය අනුව සම්මුඛ පරීක්ෂණ සඳහා කැඳවීමේ ලැයිස්තුව)
2020 වසරේ බදවාගත් උපාධිධාරී අභ්‍යාසලාභීන්ට, සංවර්ධන නිලධාරි තනතුරේ ස්ථිර පත්වීම් ලබාදීම
*** සම්මුඛ පරීක්ෂණයට පැමිණෙන අයදුම්කරුවන් විසින් සම්පූර්ණ කර රැගෙන ආය යුතු ප්‍රකාශ පත්‍රය
Address : Provincial Public Service Commission (NWP), B gate, Provincial Office Complex, Kurunegala
Contact NO : 0372223471
Email : pscnwp@gmail.com
Copyright By Provincial Public Service Commission NWP – 21st December 2021